კონფიდენციალურობის პოლიტიკა

1. ვინ ვართ

სიზმარა (Sizmara) ბავშვთა აუდიოზღაპრების აპია iPhone-ისთვის. აპსა და ამ ვებსაიტს ქმნის და მართავს ლევან ფარასტაშვილი — ინდივიდუალური დეველოპერი საქართველოდან (შემდგომში „ჩვენ“). თქვენი პერსონალური მონაცემების დამუშავებაზე პასუხისმგებელი ჩვენ ვართ.

ეს პოლიტიკა ეხება სიზმარას აპსა და ამ ვებსაიტს.

2. რა მონაცემებს ვამუშავებთ

ანგარიში

აპის პირველი გახსნისას ავტომატურად იქმნება სტუმრის ანონიმური ანგარიში — შემთხვევითი იდენტიფიკატორით, სახელისა და ელფოსტის გარეშე.

თუ მშობელი Apple-ით ან Google-ით შედის, ვიღებთ ანგარიშის ელფოსტის მისამართს და Apple-ის ან Google-ის მიერ მინიჭებულ იდენტიფიკატორს. Apple-ით შესვლისას ელფოსტის დამალვაც შეგიძლიათ — მაშინ Apple-ისგან ვიღებთ სპეციალურ მისამართს, რომელიც წერილებს თქვენს ნამდვილ ფოსტაზე გადაამისამართებს.

ეს მონაცემები ჩვენს ღრუბლოვან მონაცემთა ბაზაში ინახება — Supabase-ში, ევროკავშირის რეგიონში (ფრანკფურტი, გერმანია).

ბავშვის პროფილი

პატარას სახელი, ასაკობრივი ჯგუფი, საყვარელი თემები და მოსმენის პროგრესი მხოლოდ თქვენს მოწყობილობაზე ინახება. ამ მონაცემებს ჩვენ არ ვიღებთ.

პერსონალური ზღაპრები

როცა მშობელი პერსონალურ ზღაპარს ქმნის, ვინახავთ მის მიერ შეყვანილ მონაცემებს: ბავშვის სახელს, ასაკობრივ ჯგუფს, ნახატების სტილს, ზღაპრის თემას, სურვილისამებრ დამატებულ მოკლე შენიშვნას და გარეგნობის ნიშნებს, მაგალითად, თმისა და თვალების ფერს. ასევე ვინახავთ შექმნილ ზღაპარს — ტექსტს, ნახატებსა და გახმოვანებას. ეს ყველაფერი ჩვენს ღრუბლოვან საცავში რჩება, სანამ მშობელი ზღაპარს ან ანგარიშს არ წაშლის.

ზღაპრის ტექსტსა და ნახატებს Microsoft Azure OpenAI ქმნის, ამიტომ ამ მონაცემებს მას ვუგზავნით. გახმოვანებას ElevenLabs ქმნის — მას მხოლოდ ზღაპრის ტექსტს ვუგზავნით.

ფოტო. ფოტო არასავალდებულოა: გარეგნობის აღწერა მის გარეშეც შეიძლება. თუ მშობელი ფოტოს აირჩევს, ის ერთხელ იგზავნება Microsoft Azure OpenAI-ში, რათა ბავშვის გარეგნობის მოკლე აღწერა შეიქმნას; ნახატები მხოლოდ ამ აღწერით იქმნება. ფოტოს ჩვენ არ ვინახავთ — არც მონაცემთა ბაზაში, არც საცავში და არც ტექნიკურ ჟურნალებში. Microsoft-ს Azure OpenAI-ის პირობებით შეუძლია სერვისის მოთხოვნები ბოროტად გამოყენების მონიტორინგისთვის 30 დღემდე შეინახოს.

გადახდები

სიზმარა Plus-ისა და პერსონალური ზღაპრების გადახდებს Stripe ამუშავებს. ბარათის სრულ ნომერს ჩვენ ვერასდროს ვხედავთ. ვინახავთ გამოწერის სტატუსს, Stripe-ის მომხმარებლის იდენტიფიკატორს, გადახდების ჩანაწერებს და პერსონალური ზღაპრების კრედიტებს.

ანალიტიკა

აპის გასაუმჯობესებლად ვიყენებთ PostHog-ს (აშშ). მას ფსევდონიმიზებულ მოვლენებს ვუგზავნით, მაგალითად, „აპი გაიხსნა“ ან „ზღაპარი ჩაირთო“. ეს მოვლენები მხოლოდ ანგარიშის შემთხვევით იდენტიფიკატორს უკავშირდება. სახელს, ელფოსტას ან ბავშვის სახელს PostHog-ს არასდროს ვუგზავნით. PostHog ისეა გამართული, რომ IP მისამართებს არ ინახავს.

ანალიტიკის გამორთვა ნებისმიერ დროს შეგიძლიათ მშობლის ზონაში: გამორთეთ „დაგვეხმარეთ აპის გაუმჯობესებაში“.

ვებსაიტი

ეს საიტი Vercel-ზეა განთავსებული. საიტის მისაწოდებლად და დასაცავად Vercel ამუშავებს ტექნიკურ მონაცემებს, მაგალითად, IP მისამართს. საიტზე არ არის ქუქი-ფაილები, ანალიტიკა ან რეკლამა, შრიფტები კი თავად ამ საიტიდან იტვირთება.

3. რისთვის ვიყენებთ მონაცემებს

მონაცემებს მხოლოდ შემდეგი მიზნებისთვის ვიყენებთ:

• მომსახურების მისაწოდებლად — ანგარიშისთვის, ზღაპრების ჩამოსატვირთად, პერსონალური ზღაპრების შესაქმნელად, Plus-ის გამოწერისა და შესყიდვებისთვის. საფუძველი: ხელშეკრულების შესრულება.
• აპის გასაუმჯობესებლად და შეცდომების მოსაძებნად — ანალიტიკით, რომლის გამორთვაც ნებისმიერ დროს შეგიძლიათ. საფუძველი: ჩვენი ლეგიტიმური ინტერესი.
• გადახდების აღრიცხვისთვის. საფუძველი: კანონით დაკისრებული ვალდებულება.
• მომსახურების დასაცავად და ბოროტად გამოყენების თავიდან ასაცილებლად. საფუძველი: ჩვენი ლეგიტიმური ინტერესი.

მონაცემებს რეკლამისთვის არ ვიყენებთ, არ ვყიდით და სარეკლამო ქსელებს არ ვუზიარებთ.

4. ვის ვუზიარებთ

მონაცემებს მხოლოდ იმ კომპანიებს ვუზიარებთ, რომლებიც სიზმარას მუშაობაში გვეხმარებიან. ისინი მონაცემებს ჩვენი დავალებით და მხოლოდ ამ მიზნებისთვის ამუშავებენ:

• Supabase ანგარიშები, მონაცემთა ბაზა და ფაილები. ევროკავშირი (ფრანკფურტი, გერმანია).
• Microsoft Azure OpenAI პერსონალური ზღაპრის ტექსტი და ნახატები, ფოტოდან გარეგნობის აღწერა.
• ElevenLabs პერსონალური ზღაპრის გახმოვანება. იღებს მხოლოდ ზღაპრის ტექსტს.
• Stripe გადახდები და გამოწერები.
• PostHog აპის ანალიტიკა. აშშ.
• Vercel ამ ვებსაიტის ჰოსტინგი.

ზოგიერთი მათგანი მონაცემებს საქართველოსა და ევროკავშირის გარეთ ამუშავებს, მაგალითად, PostHog — აშშ-ში.

Apple-ით ან Google-ით შესვლისას ეს კომპანიები მონაცემებს საკუთარი კონფიდენციალურობის პოლიტიკის მიხედვით ამუშავებენ.

მონაცემებს სხვას მხოლოდ მაშინ გადავცემთ, როცა ამას კანონი მოითხოვს.

5. ბავშვები

სიზმარა მშობლებისთვისაა შექმნილი: ზღაპრებს ბავშვები უსმენენ, ანგარიშს, შესყიდვებსა და პერსონალურ ზღაპრებს კი მშობელი მართავს. შესვლა, შესყიდვები და პერსონალური ზღაპრები მშობლის ზონაშია, რომელიც მხოლოდ შემოწმების კითხვაზე პასუხის შემდეგ იხსნება.

ბავშვებისგან მონაცემებს პირდაპირ არ ვაგროვებთ. ბავშვის შესახებ მონაცემებს — მაგალითად, სახელს პერსონალური ზღაპრისთვის — მხოლოდ მშობელი შეიყვანს. აპში რეკლამა არ არის.

თუ ფიქრობთ, რომ ბავშვმა მშობლის ნებართვის გარეშე მოგვაწოდა მონაცემები, დაგვიკავშირდით და მათ წავშლით.

6. შენახვის ვადა და წაშლა

მონაცემებს ვინახავთ, სანამ მშობელი მათ არ წაშლის:

• პერსონალური ზღაპრის წაშლა აპიდან შეგიძლიათ — ვშლით მის ტექსტს, ნახატებსა და გახმოვანებას.
• ანგარიშის წაშლა მშობლის ზონაშია. ის შლის ანგარიშს, პერსონალურ ზღაპრებს და ჩვენთან შენახულ ყველა მონაცემს, აქტიურ გამოწერას კი აუქმებს.
• გადახდების ჩანაწერები ბუღალტრული აღრიცხვისთვის Stripe-ში რჩება, რამდენადაც ამას კანონი მოითხოვს.
• ფოტოს ჩვენ საერთოდ არ ვინახავთ. Microsoft-ის შესაძლო 30-დღიანი შენახვის შესახებ იხილეთ პერსონალური ზღაპრების ნაწილი.
• ანალიტიკის მოვლენები მხოლოდ ანგარიშის შემთხვევით იდენტიფიკატორს უკავშირდება — არა თქვენს სახელს ან ელფოსტას.

7. თქვენი უფლებები

საქართველოს კანონის „პერსონალურ მონაცემთა დაცვის შესახებ“ და, ევროკავშირში მცხოვრებთათვის, GDPR-ის მიხედვით, გაქვთ უფლება:

• გაიგოთ, რა მონაცემებს ვამუშავებთ, და მიიღოთ მათი ასლი;
• მოითხოვოთ არაზუსტი მონაცემების გასწორება;
• მოითხოვოთ მონაცემების წაშლა;
• მოითხოვოთ დამუშავების შეზღუდვა ან გააპროტესტოთ ის;
• ნებისმიერ დროს გამორთოთ ანალიტიკა;
• საჩივრით მიმართოთ საქართველოს პერსონალურ მონაცემთა დაცვის სამსახურს, ხოლო ევროკავშირში — თქვენი ქვეყნის მონაცემთა დაცვის ორგანოს.

ანგარიშისა და მონაცემების წაშლა აპიდანვე შეგიძლიათ. სხვა მოთხოვნისთვის დაგვიკავშირდით — კანონით დადგენილ ვადაში გიპასუხებთ.

8. უსაფრთხოება

მონაცემები დაშიფრული კავშირით (HTTPS) გადაიცემა. მონაცემთა ბაზაში წვდომა წესებით არის შეზღუდული: თითოეულ მშობელს მხოლოდ საკუთარ მონაცემებზე მიუწვდება ხელი. პერსონალური ზღაპრების ფაილები დახურულ საცავშია და მათზე წვდომა მხოლოდ დროებითი ბმულებით ხდება.

9. ცვლილებები

პოლიტიკის განახლებისას ამ გვერდზე თარიღს შევცვლით. მნიშვნელოვან ცვლილებებზე აპში ან ამ საიტზე წინასწარ გაცნობებთ.

10. კონტაქტი

კითხვებისა და მოთხოვნებისთვის დაგვიკავშირდით.

კონტაქტი მალე დაემატება.

ოპერატორი: ლევან ფარასტაშვილი, ინდივიდუალური დეველოპერი, საქართველო.